ҚазМұнайГаздың 27 еншілес компаниясы бірыңғай IT-платформаға қосылды

Бұған дейін компаниялар өтінімдерді өңдеу үшін түрлі құралдар мен процестерді пайдаланып келді. SMAX-ты енгізу IT-сервистерді басқарудың бірыңғай корпоративтік стандарттарына көшуге және IT бөлімшелер атқаратын жұмыс ашықтығын арттыруға мүмкіндік берді.

Платформа IT-қызметтерді көрсетудің бүкіл процесін, яғни өтінімді тіркеу мен өңдеуден бастап, оның орындалу сапасын бақылауға дейінгі толық циклін автоматтандырды. Бұл техникалық мәселелерді шешу мерзімдерін қысқартады, сервистік қызмет көрсету сапасын арттырады және өтінімдердің орындалуын нақты уақыт режимінде бақылауды қамтамасыз етеді. Басшылар сервистік бөлімшелердің жұмысын қадағалап, өтінімдердің орындалуын қарап отырады және жүктемені талдап, өзекті ақпарат негізінде шешім қабылдай алады.

Бұдан бөлек, процестерді біріздендіру түрлі IT-шешімдерді қолдауға жұмсалатын шығын мөлшерін азайтады және цифрлық сервистерді компаниялар тобы деңгейінде таратуға негіз болады.

Жыл соңына дейін KMG Digital компаниясы SMAX платформасына ҚМГ-ның тағы жеті еншілес ұйымын қосуды жоспарлап отыр.